“Шинэ Гэр Түншлэл” ХХК нь өөрийн болон дотоод, гадаадын хөрөнгө оруулалтыг үл хөдлөх хөрөнгийн салбарт татах, барилгын салбарын уламжлалт менежментийн хэв маягийг өрсөлдөөнт нөхцөл байдалд дэвшүүлэх, мөн уялдсан инноваци, мэдээллийн технологийн хөгжлийг Монгол улсын түвшинд цаг алдалгүй иргэд, оршин суугчиддаа нэвтрүүлэх зорилготойгоор 2016 онд байгуулагдсан болно. Манай компани нь байгуулагдсан цагаасаа эхлэн өөрсдийн хамтран ажиллаж буй иргэд, байгууллагууддаа зах зээлийн судалгаа, санхүү, эрсдэлийн шинжилгээ, хөрөнгө оруулалтын зөвлөгөө сэлтийг барилгын төслийн зохистой удирдлагын хүрээнд өгсөөр ирсэн бөгөөд, нийслэл Улаанбаатар хотын оршин суугчид, нийт иргэдийн эрүүл, аюулгүй орчинд ажиллаж амьдрах үндсэн эрхийг хангах зорилгоор ашиглалтын шаардлага хангахгүй нийтийн зориулалттай орон сууц, барилгыг буулган шинээр барих ажлыг “Орон сууцны тухай хууль”, “Хот, суурин газрыг дахин хөгжүүлэх тухай хууль”, Барилга, Хот байгуулалтын сайдын 2016 оны 126 дугаар тушаалаар батлагдсан журмын дагуу үйл ажиллагаандаа мөрдөн, зохион байгуулах чиглэлээр ажиллаж байна.